BJTP Erdialdea

21 Urt , 2025

Nafarroa Erdialdera bidaiatzeko Jasangarritasun Turistikorako Plana

Erdialdera Bidaiatzeko Jasangarritasun Turistikorako Plana [BJTP] aurrerapauso bat da lurraldearen etorkizunerako, bisitarientzako bidaia turistiko jasangarri, hurbil eta abegikor bihurtu nahi duena, lurraldearen bizi erritmoa errespetatuz.

Ibilbide orri hori jasangarritasunean, berrikuntzan eta digitalizazioan oinarritzen da, eskaintza turistikoa eskariaren joera berrietara egokituta. Planari esleitutako aurrekontua 4.740.000 eurokoa da guztira, Suspertze, Eraldatze eta Erresilientzia Planaren Next Generation fondo europarretatik datozenak.

Ondarearen eta paisaiaren aniztasuna, eremuko baliabide turistikoak eta sare profesionala dira planaren garapenaren funtsezko faktoreetako batzuk. Ekimenaren barruko jardueren artean, nabarmentzekoak dira Pitillasko aintzirako eta Bi Erresumen urmaelako hezeguneen egokitzapen turistikoa; erreserbak kudeatzeko eta bisitari fluxuak monitorizatzeko sistema berri bat; edo aparkaleku adimendunak sortzea. Era berean, lurraldeko marka espezifiko bat sortzeko eta eskualdeko komunikazio estrategia bat garatzeko lana egingo da, Erdialdea merkatuak aitortutako bidai helmuga izan dadin.

Webgunearen atal honetan BJTParen garapenari buruzko informazioa aurkituko duzu, edozein kontsulta egiteko gurekin harremanetan jar zaitezke.

Kudeaketa plana

BJTP gaur

No Results Found

The page you requested could not be found. Try refining your search, or use the navigation above to locate the post.

Ibilbide sarea Nafar Erdialdean

23 Eka , 2022

Ibilbide sarea Nafar Erdialdean

Nafar Erdialdeko Garapen Partzuergoak eta bere Tokiko Ekintza Taldeak kudeatzen dute produktu turistiko hau:

Erdialdeko Oinezko Bidezidorren Sareak 312 kilometro gehitzea ekarri du, maila eta zailtasun desberdinetako 33 bidezidorretan oinez gozatzeko. Untzue haitzaren gailurretik, Arga ibaiaren ertzera, Alaitz mendilerroaren magaletik Aragoi ibaiaren ertzera, Uxue mendilerrotik, Pitillas urmaelera. Mahastien, perretxikoen eta ondare kultural eta natural zabalaren arteko bidezidorrak. Mendi ibilien aldeko apustua da, aukera turistiko jasangarri eta osasungarri gisa, eta 23 toki erakundek egin dugu, Erdialdeko Tokiko Ekintza Taldearekin batera.

Bideetatik ibiltzearen ahaleginaren ondoren, tokiko ostatuetan gastronomiarik, ardorik eta atsedenik onenaz gozatzea egokituko da, horiek baitira produktu turistiko honetarako onenak, BTT Erdialdea gunearekin batera, naturako turistei eskaintzen dieguna.

www.apie.navarramedia.es/eu webgunean kalitatezko informazioa eta zerbitzu interesgarriak jasotzen dira bidezidorretan barrena doazenentzat. Webgune honetatik ibilbideen informaziora sartzen da: mapak, GPSrako trackak, wikilock fitxak, profilak, irudiak eta hurbilen dauden ostalaritza establezimenduak. Facebooken eta Instagramen ere baditu profilak, eta 3 sustapen bideo ekoitzi dira. Proiektuak liburuxka elebidunak ere baditu, turismo bulegoetan, udaletxeetan eta ibilbideei lotutako zerbitzuetan aurkitu ahal izango direnak.

Proiektu honen indarguneetako bat da haren atzean pertsonak daudela, eta egoten jarraituko dutela, bideetan sor daitezkeen gorabeherei buruzko informazioa jaso eta emango dutenak, sareak bere helburuak betetzen eta hobetzen jarrai dezan.

Proiektuaren kostua 167.230,10 eurokoa da, eta Erdialdeko Partaidetzazko Toki Garapenerako Estrategiaren finantzaketa izan du (Nafarroa 2014-2020 LGParen 19. neurria). 137.177,93 euroko laguntza, Landa Garapenerako Europako Nekazaritza Fondoak (LGENF) %65ean eta Nafarroako Gobernuak %35ean finantzatua.

Diruz lagundu ez den zatia udalerri hauek ordaindu dute: Artaxoa, Beire, Berbintzana, Biurrun-Okotz, Zarrakaztelu, Caparroso, Larraga, Leotz, Mendigorria, Miranda Arga, Mélida, Murillo el Fruto, Erriberri, Oloritz, Orisoain, Pitillas, Izarbeibar/Gares, Puiu, Santakara, San Martín Unx, Tafalla, Tebas-Muru Artederreta, Untzue eta Uxue.

OINEZ webgunea

BTT Gunearen webgunea