Tokiko Agenda 21 – Hiri agenda
Orbaibar-Valdorbako Tokiko Agenda plangintza estrategikoko prozesua da bere zazpi udalerrietan. Udal kudeaketa, ingurumen kudeaketa eta toki garapena gidatzen dituen ibilbide orria ezartzen du. Helburua da ibarrean bizi diren pertsonen bizi kalitatea hobetzea, ingurunearekin modu jasangarrian.
Orbaibarko zazpi udalek hartu dute agendaren lidergoa, Mairagako Mankomunitatearen eta Erdialdeko Garapenerako Partzuergoaren lankidetzarekin eta laguntzarekin. Horretarako, Nafarroako Gobernuko Ingurumeneko Zuzendaritza Nagusiaren dirulaguntza izan da.
Prozesu osoa irekia izan da parte hartze publikorako, elkarrizketen, focus groupen, inkesten eta foroen bidez, eta Espainiako Hiri Agendaren metodologia erabili da hori egiteko. Prozesu hori bailara horrekin lotutako pertsonen inplikazioari esker egin ahal izan da.
Maiatzaren 6an, osteguna, 18:00etan, agenda Orbaibarko auzokideei aurkeztu zitzaien, Orbaibarko Agendaren II. Online Foroaren bidez. Ekitaldi horretan, Orbaibarko udalerrietako hautetsiek bertako herritarrek parte hartu duten plangintza bateratuaren ahalegin horren emaitza jakinarazi zuten. Ibilbide orri honek honako helburu hauek lortu nahi ditu:
- Tokiko gobernantza hobetzea, eskualde nortasuna indartzeko: lan bateratua, konpromiso politikoa eta parte hartzea, Orbaibarko nortasunaren seinale gisa.
- Orbaibar bizi eta bizigarria: Bertan bizi proiektu bat eraiki ahal izatea, konektibitatearekin, abegikotasunarekin, berdintasunarekin, azpiegiturekin, etxebizitza aukera onekin, hurbileko enpleguarekin eta zerbitzuekin.
- Kultura, natura eta paisaia arloko baliabideak balioan jartzea: ingurumen jasangarritasunetik eta trantsizio energetikotik abiatuta, eta kulturan indarra izanda.
